Ohiko galderak
Lea Artiabiko Ekiola eguzki-panelen 1,2 MWko instalakuntza bat eraikiko du Etxebarriako lursail batean.
Kooperatibako bazkide egiten diren herritarrek instalazio horren jabetzaren zati bat eskuratuko dute, kapital ekarpen baten truke. Partaidetza horrekin beraien etxeetako argindar kontsumoaren %100 estaltzeko adina energia sortuko dute.
Lea Artibai bailaran bizi diren familia eta komertzioak egin daitezke bertako bazkide.
Bazkide egiteko lehen ordainketa bat egin beharko da. Egin beharreko kapital ekarpena ezberdina da bakoitzaren argindar kontsumoaren arabera: egin kalkulua formulario hau beteta.
- Bazkidea bere energiaren jabe izango da, eta KM0 energia berriztagarria kontsumituko du
- Bazkideak argindar fakturan aurreztuko du hilero, momentuko prezioaren arabera
- Bazkideak kooperatibaren erabakietan parte hartuko du
Sortzen den energiak 29 €/MWh-ko prezioa izango du, instalazio fotovoltaikoa zure uneko kontsumoa estaltzeko nahikoa energia sortzen ari den momentuetan (merkatuko bataz besteko prezio historikoa eta gaur egungo prezioa baino nabarmen baxuagoa da kopurua). Prezio hori da Egutera kooperatibari energia hori ekoiztea kostatzen zaiona.
Instalazio fotovoltaikoa behar duzuna baino energia gehiago ekoizten ari denean, soberakina merkatura saldu eta salmentarengatik konpentsazio bat jasoko duzu. Gutxiago ekoizten ari denean, berriz, falta dena merkatutik erosiko da, argindarrak momentu horretan merkatuan duen prezioan. Hori guztiori Ekiolak kudeatuko du eta informazio guztia merkaturatzaileak bidaliko dizun fakturan azalduko zaizu.
Instalazio fotovoltaikoak sortzen duen energia sarera isurtzen da, eta bazkideak saretik kontsumitzen du, orain arte bezala. Hori horrela, etxeetan ez da inolako instalaziorik egin behar. Merkaturatzaileak hilero igorriko dizun fakturaren bitartez lotzen dira instalazio fotovoltaikoaren sorkuntza eta zure etxeko kontsumoa.
Bai. Ibedrolak kudeatzen duen argindar banaketa sare orokorrak matxurarik ez duen bitartean etxean argindarra izango duzula bermatuta dago, gaur egun bezala.
Ekiolako bazkideek orain arte bezalaxe energia kontsumo normala ziurtatuta izango dute, nahiz eta Oikiako sorkuntza plantan (eguraldiagatik edo bestelako arazoengatik) energia sorkuntzan etenak egon. Sortzen den energia sare orokorrera bideratuko da, eta bazkideek kontsumitzen duten energia sare orokorretik hartzen da. Beraz, bazkideek gaur egun hartzen duten bezala hartuko dute gero ere behar duten energia, sare orokorretik. Ezberdintasuna da kontsumitzen duten energia adina (edo gehiago) bideratuko dutela sarera, energia berriztagarria gainera.
Egutera kontsumo kooperatiba da. Bazkideak bere hileroko kontsumo fakturan kooperatiban parte hartzeagatik Kontsumituriko energia sorkuntza kostuaren arabera baloratuko da
Hileroko faktura, bazkideak Kooperatibaren komertzializadorari ordainduko dio.
Irabazi asmorik gabea denez, kooperatibak kostu-prezioan salduko du energia, eta horrek bazkide egiten diren askori gaur egun ordaintzen duen fakturarekin alderatuta hileroko aurreztea ekar dakioke.
Ez. Ez bazkideek, ez Udalak, ezta Egutera kooperatibak ere ez dute diru irabazirik izango. Izan ere, Egutera kooperatiba soziala izanik, diru irabaziak sortuko balira (energia gehiago sortu duelako kontsumitu duena baino, adibidez), behartuta legoke tokiko proiektu sozialetara bideratzera .Erabaki horiek kooperatibako bazkideek hartuko dituzte.
Ez. Bazkide egiteko hasierako kopurua ordainduta, hileroko fakturaz gain ez dute bestelako ordainketarik egingo.
Etxebarria, Markina, Ondarru, Lekeitio eta Ispasaterko udalez gain, Ekiola Mondragon Taldeko Krean kooperatibak eta EEEk (Energiaren Euskal Erakundea, Eusko Jaurlaritza) osatzen dute. Gainera, beste hainbat bazkide laguntzaile ditu egun: Gertu merkatari elkartea, Zumaiako Herri Eskola eta Zumaiena ikastetxea.
Bazkideak aukera du edozein momentutan baja emateko. Hasieran egindako inbertsioa itzuliko litzaioke, betiere Ekiola kooperatibaren estatutuek ezartzen duten modu eta epeetan.